“Manchester Yunayted” hujumchisi Ueyn Runi Chempionlar Ligasining 4-saralash bosqichida Belgiyaning “Bryugge” klubiga qarshi mehmondagi javob uchrashuvida xet-trik amalga oshirdi. Uchrashuv “MYu” foydasiga 0:4 hisobida yakunlandi.
Angliya terma jamoasi hujumchisi Chempionlar Ligasidagi bundan avvalgi xet-trikini 2004 yilda “MYu” uchun debyut o‘yinida “Fenerbaxche”ga qarshi uchrashuvda amalga oshirgan edi. O‘sha uchrashuv 6:2 hisobida yakunlangan.
Runi klub safida rasmiy uchrashuvlarda oxirgi to‘pini Angliya chempionati doirasida “Aston Villa” darvozasiga 2015 yilning 4 aprelida kiritgan edi.