"Atletiko" argentinalik yosh futbolchi Kranevitter bilan 5 yillik shartnoma imzoladi

"Atletiko" "River Pleyt"dan yosh yarimhimoyachi Matias Kranevitterning sotib olinganini rasman e'lon qildi.

Madridliklar saytida bildirilishicha, 22 yoshli xavbek bilan 5 yillik shartnoma imzolangan.

Qayd etilishicha, bu futbolchi shu yilning oxirida, hozirgi jamoasi bilan klublar o‘rtasidagi jahon chempionatida ishtirok etib qaytganidan keyin qo‘shiladi.

Biroz oldinroq, "Atletiko" uning transferi uchun 8 mln sarflagani xabar qilingandi.

Bu futbolchi uchun "Inter" va "manchester" jamoalari ham qiziqish bildirishayotgandi.