“Milan” bosh murabbiyi Balotellini parhezga kirgizdi

Italiyaning “Milan” jamoasi bosh murabbiyi Sinisha Mixaylovich hujumchi Mario Balotellini parhez tutishga majbur qilmoqda. Bu haqda The Telegraph nashri yozmoqda.
“Mario yaxshi shug‘ullanmoqda, ammo unda 3 kg ortiqcha vazn bor. Ayni paytda u parhezga kirgan va faqat tayyor bo‘lganida maydonga tushadi”, - dedi mutaxassis.
“Milan” Balotellini “Liverpul”dan 1 yilga ijaraga oldi. Futbolchi 2014 yilda “Milan”dan “Liverpul”ga 16 mln funt sterlingga o‘tgan edi, ammo u Angliya jamoasi tarkibida yaxshi o‘yin namoyish eta olmadi.