Yakunlanayotgan haftada Andijon viloyatining Shahrixon tumanidagi Guliston QFY hududida joylashgan Karnaychi mahallasida istiqomat qiluvchi Olimjon Yunusovning xonadonida parvarishlanayotgan sigir birdaniga 3ta buzoqcha tug‘di.
Ularning ikkitasi novvos, bittasi esa g‘unajin ekani ma'lum qilingan. Shuningdek, buzoqchalarning barchasi sog‘lom, holati ko‘ngildagidek ekani aytilgan.
"Bu biz uchun kutilmagan voqea bo‘ldi. Oilamizning barcha a'zolari juda ham xursand. Sigir va buzoqlarni mehr va e'tibor bilan parvarishlayapmiz", - deydi xonadon sohibi O.Yunusov.