Guardian: Suriya Britaniyaning Bashar Asadni vaqtinchalik prezidentlikka tayinlash to‘g‘risidagi taklifini rad etdi

Suriya Britaniyaning Bashar Asadning yarim yil davomida vaqtinchalik hukumatga boshchilik qilib, so‘ngra iste'foga chiqishi to‘g‘risidagi taklifini rad etdi. Bu haqda Suriya Axborot vaziri Omran al-Zubiy The Guardian nashriga bergan intervyusida ma'lum qildi.

Al-Zubiyning ta'kidlashicha, britan hukumatining fikriga ko‘ra, bu mamlakatdagi siyosiy inqirozni bartaraf etib, Suriyadan Yevropaga yo‘nalayotgan qochqinlar oqimining kamayishiga xizmat qiladi.

“Britaniya Tashqi ishlar vaziriga suriyaliklar uchun ularning prezidenti qancha vaqt hokimiyat tepasida qolishini belgilab qaror chiqarishga kim huquq berdi”, – dedi Zubiy.

Shuningdek, vazir Britaniya yuritayotgan siyosatni “irratsional va mantiqsiz” deb atab, mamlakat o‘zini IShIDga qarshi kurash olib borayotgan yagona davlatdek tutayotganini ta'kidladi.