Avstriya politsiyasi A8 avotrassasida refrijyerator turidagi yuk mashinasi ichida 42 nafar suriyalik va boshqa davlatlardan bo‘lgan muhojir borligini aniqladi. Ular orasida 5 ayol va 8 bola bo‘lgan, deb huquq-tartibot muassasalariga iqtibos keltirgan holda TASS axborot agentligi xabar bermoqda.
“Barcha muhojirlarning sog‘lig‘i yaxshi, ularga tibbiy yordam ko‘rsatish talab qilinmadi. Ularni olib ketayotgan 2 nafar iroqlik hibsga olindi”, deyilmoqda xabarda.
Huquq-tartibot muassasalari xodimlari qochqinlarni Lints shahridagi politsiya bo‘limiga olib borganlar va bu yerda ularga kerakli ko‘mak ko‘rsatilgan.