Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
ОАВ: наҳорги ошлар ҳам ўйин-кулгига айланиб кетмоқда
21:30 / 16.09.2015
7889

Тўй арафасида маҳалладошларга ош тортиш анъанасини ўзида мужассам этадиган наҳоги ош тадбирлари одатда сипо тартибда ўтади. Лекин охирги вақтларда ушбу жараённи ҳам ўйин-кулги билан ўтказиш ҳоллари кузатилмоқда. “Оила даврасида” газетасида чоп этилган мақолада айтилишича, бундай ҳолатлар наҳорги ошнинг “маърифий”лигига зарар келтириши мумкин.

Мақола муаллифи ўз тажрибасида бир мисол келтиради: ош чоғида доирадастлардан бири зўр бериб, гўё тўй тантанасида чолаётгандай қувноқ садолар ижро этади. Бу даврада ўтирган кекса инсонларнинг кўпчилигига ёқмайди ва улар доирачи билан баҳсга киришиб кетади.

“Биз доирадастларнинг жинимиз бор, - деб жавоб беради уларга созанда. – Чалаётганда бахшиларга ўхшаб ўзимни билмай қоламан. Кимгадир ёқмаса, тингламасин”.

“Тўғри, одамлар тўйга фақат ош егани келмайди, - хулоса қилади муаллиф. – Аммо, тан олайлик, бугун фақат шу наҳорги ошдагина озгина маърифийлик сақланиб қоляпти. Агар бу тадбир ҳам бора-бора нуқул ўйин-кулги майдонига айланса, тўйларимиз ўз миллий хусусиятини йўқотиб қўймасмикан?”


Улашинг
  • Теглар:
Top