Vitaliy Denisov hakam bilan yomon muomilada bo‘lgani uchun 60 ming rubl miqdoridagi jarimaga tortildi

Moskvaning “Lokomotiv” klubi hamda O‘zbekiston milliy terma jamoasi himoyachisi Vitaliy Denisov Rossiya Futbol Ittifoqi tartib-intizom qo‘mitasi tomonidan jarimaga tortildi. Bu haqda jurnalistlarga qo‘mita boshlig‘i Artur Grigoryants ma'lum qilgan.

Ma'lum bo‘lishicha, Denisovni “Rubin”ga qarshi o‘yinda hakamni haqorat qilgani uchun tartib-intizom qo‘mitasi jazoladi va unga 60 ming rubllik jarima belgilandi.

Ta'kidlab o‘tish kerakki, Denisov Rossiya chempionati 8-tur uchrashuvi doirasida “Rubin”ga qarshi kechgan o‘yinda hakamning xatosi tufayli o‘zgartirish amalga oshirilishi natijasida vaqt mezbonlar foydasiga ishlagani uchun hakamga jiddiy ohangda e'tiroz bildirgandi. O‘sha o‘yin "Rubin"ning 3:1 hisobidagi g‘alabasi bilan yakunlangan.