BAA shahzodasi shayx Rashid ibn Muhammad Al-Maqtum yurak xurujidan vafot etdi

Bugun, 19 sentabr kuni BAA shahzodasi, Dubay amirligi taxti vorislaridan biri shayx Rashid ibn Muhammad Al-Maqtum vafot etdi. Bu haqda amirlik ma'muriyati rasman ma'lum qildi.
Birlashgan Arab Amirliklari bosh vaziri Muhammad bin Al-Maqtumning o‘g‘li bo‘lgan shahzoda Rashid 34 yoshida yurak xuruji tufayli olamdan o‘tgani aytilmoqda.
Amirliklarda bu voqeaning to‘liq tafsilotlari hozircha ayon etilmayapti.
Ushbu hodisa tufayli mamlakatda 3 kunlik motam e'lon qilinishi kutilmoqda.
"Biz barchamiz Allohning amri bilan kelganmiz va uning amri bilan uning oldiga qaytamiz", deb aytiladi ushbu noxushlik yuzasidan berilgan rasmiy murojaatda.