“Borussiya D” Bundesligada mavsumni omadli boshlash bo‘yicha yangi rekord o‘rnatdi

Dortmundning «Borussiya» klubi 2015/16 yilgi mavsumni omadli boshlash orqali Bundesliga rekordini yangiladi.

Tomas Tuxel jamoasi besh o‘yinda beshta g‘alabaga erishdi va 18ta gol urdi. Gollar farqi esa «+15»ga teng.

Shunday qilib, dortmundliklar «Bavariya»ning 2012/13 yilgi mavsumdagi rekordini yangilashdi. O‘shanda myunxenliklar ham beshta o‘yinda g‘alaba qozongan, biroq bitta kam gol urgan edi.

Beshta o‘yinda 18ta golli natijaga «Kyoln» jamoasi so‘nggi bor 1977/78 yilgi mavsumda erishgan edi. O‘shanda jamoa 19 gol urgan, biroq bir marta mag‘lubiyatga ham uchragandi.

Aytish joizki, o‘sha mavsumlarda «Bavariya» va «Kyoln» mavsum yakunida Germaniya chempioni bo‘lgan.