19:38 / 28.09.2015
3172

OAV: Lionel Messi "el-klasiko"gacha safga qaytishi mumkin

"Barselona" jamoasining argentinalik hujumchisi Lionel Messi Ispaniya chempionatining 12-turida "Real"ga qarshi o‘tkaziladigan "el-klasiko" bahsigacha jarohatidan tuzalib, safga qaytishi mumkin. Bu haqda El Mundo Deportivo xabar bergan.

Messi Ispaniya Primerasi 6-turidan o‘rin olgan “Las-Palmas”ga qarshi uchrashuvning 10-daqiqasida jarohat olgani tufayli almashtirilgandi.

Biroz o‘tib, Kataloniya klubi rasmiy sayti Messining tiklanishi uchun 7-8 hafta talab etilishi haqida xabar tarqatgandi.

Tekshiruvlardan keyin ma'lum qilinishicha, u 21 noyabr kuni "Real"ga qarshi o‘tadigan bahsgacha tayyor bo‘lishi mumkin.

Argentina terma jamoasi shifokori Donato Villani "Barselona" hujumchisi Lionel Messining jarohati haqida ijobiy gaplar aytgan.

"Messidagi jarohat tuzalishi uchun 7 yoki 8 hafta kerak. Shundan so‘ng muammosiz o‘ynasa bo‘ladi.
Ammo men Leoni uzoq yillardan buyon bilaman va u safga ertaroq qaytishi ham mumkin. Chunki u o‘ynamasa tura olmaydi", - deydi Villani.

Top