"Manchester Yunayted" jamoasining sobiq futbolchisi Rio Ferdinand o‘zining sobiq jamoadoshi Krishtianu Ronalduning futbolchi sifatida kuchayish bosqichlari haqida hikoya qildi.
"U Manchesterga kelganida sirk toychog‘ini eslatardi. U o‘z mahoratini qayta-qayta namoyish qilishga urinar, o‘zi biladigan fintlarni ko‘rsatib, ba'zida buni oshirib yuborar edi.
O‘shanda u kuchli futbolchiga aylanishi uchun bir o‘zining imkoniyatlari yetarli bo‘lmasligi, faqat gol urishni bilish yetarli emasligi, u jamoaviy futbolni ham o‘rganishi zarurligi haqida o‘ylaganman.
Uning o‘zi buni tushunib yetdi va o‘z ustida ishlay boshladi. Shundan so‘ng u mavsumdan mavsumga kuchayib bordi", deydi u Goal.com nashriga bergan intervyusida.
Eslatib o‘tamiz, Ronaldu kecha YeChL guruh bosqichida "Malmyo"ga qarshi kechgan uchrashuvda 2ta gol urdi va o‘z faoliyatidagi 500- va 501 gollarini nishonladi.
Uni bu natijasi uchun sobiq jamoasi "MYu" rasman tabrikladi.
Shuningdek, u bu natijasi orqali "Real" tarixidagi eng ko‘p gol urgan (324ta gol) futbolchiga aylandi.