Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
"Чегарасиз шифокорлар": Вашингтон шифохонага берилган зарба учун жавобгарликни Kобул зиммасига юкламоқчи
06:45 / 06.10.2015
2056

АҚШ Афғонистоннинг Қундуз шаҳридаги шифохонага берган зарбаси учун жавобгарликни ўз зиммасидан соқит қилиб, Афғонистон ҳукумати илтимоси билан ҳудудни бомбардимон қилганини таъкидлаб, афғон ҳукумати зиммасига юкламоқчи. Бу ҳақда 5 октябрда чоп этилган "Чегарасиз шифокорлар" гуманитар ташкилоти баёнотида айтилмоқда.  

"Улар ҳужум тафсилотларини ўзгартиришни давом эттиришмоқда, энди бўлса жавобгарликни афғон ҳукуматига юклашмоқчи. Ҳақиқат шундан иборатки, АҚШ бу бомбаларни ташлаган. АҚШ беморлар ва "Чегарасиз шифокорлар"нинг ходимлари билан тўла бўлган катта шифохонага зарба берган", деб айтмоқда ташкилотнинг бош директори Кристофер Стоукс.

Стоукснинг айтишича, "АҚШ коалициянинг бир қисми бўлсада, зарбалар беришда нишонни танлаш учун улар жавобгардирлар". "Бу ваҳший ҳужумни ҳеч қанақасига оқлаб бўлмайди. АҚШ ва Афғонистон томонидан ҳужумни таърифлашдаги анча фарқларни ҳисобга олиб, ушбу ҳолатни тўлиқ, мустақил тергов қилишга эҳтиёж янада ошмоқда", деб таъкидлаб ўтди Стоукс.


Улашинг
  • Теглар:
Top