"Stok Siti" futbolchisining onasi Makkadagi tiqilinchda halok bo‘ldi

Angliyaning "Stok Siti" klubining senegallik hujumchisi Mame Biram Diufning onasi – Gnilane Diuf Makkada haj paytida yuz bergan tiqilinchda halok bo‘ldi, deb xabar bermoqda Standard nashri.

Nashrning ma'lumotlariga ko‘ra, Senegal terma jamoasi futbolchisining singlisi bu vaqtda onasi bilan birga bo‘lgan, u yengil jarohatlar olgan.

Ma'lumot uchun, fojia 24 sentabrda Iyd al-Adh bayramining birinchi kuni Makka yaqinidagi Mino vodiysida yuz bergan. Rasmiy ma'lumotlarga ko‘ra, tiqilinchda halok bo‘lganlar soni 769 kishini tashkil qildi.