Adidas 3D-printerda krossovkalar chiqardi

Adidas kompaniyasi tagi 3D-printerda bosiladigan Futurecraft 3D krossovkalari kontseptini taqdim etdi. Kompaniya tarqatgan relizda ta'kidlanishicha, poyafzalning tagi u sotilayotgan joyda xaridorning oyog‘idan andaza olingan holda printerdan chiqariladi.

Maxsus uskunadagi bir necha daqiqali yugurishdan so‘ng xaridor oyog‘ining quymasi hosil bo‘ladi, u oyoq shaklini aynan takrorlaydi va sport bilan shug‘ullanishni qulaylashtiradi. Bu quyma asosida printerdan taglik chiqariladi.