Aholi bandligini ta'minlash maqsadida yangi tashabbuslarga o‘rin bor, deb ta'kidlamoqda O‘zbekiston Mehnat va aholini ijtimoiy muhofaza qilish vaziri Aziz Abduhakimov.
2015 yil yanvar-iyun oylarida 441,8 ming kishi ish bilan ta'minlandi, ulardan 62,2 foizi qishloq joylariga to‘g‘ri keladi. Yangi yaratilgan ish o‘rinlari va ish bilan ta'minlanganlarning katta qismi Samarqand, Farg‘ona, Toshkent, Buxoro, Andijon viloyatlari va Toshkent shahriga to‘g‘ri keladi.
Joylarda o‘tkazilayotgan bo‘sh ish o‘rinlari yarmarkalari tuman va shahar bandlikka qo‘maklashish va aholini ijtimoiy muhofaza qilish markazlariga ish bilan ta'minlash masalasi bilan murojaat qilgan 141 ming kishini ish bilan ta'minlashga imkon berdi.
Kollejlarda "O‘z biznesini boshlash uchun ochish eshiklar kunlari"ni o‘tkazish tashabbusini amalga oshirish yuqori samara berdi, deb aytmoqda Aziz Abduhakimov. Uning aytishicha, Mehnat va aholini ijtimoiy muhofaza qilish vazirligi tashabbusini amalga oshirishga tijorat banklari, tuman hokimiyatlari,
soliq muassasalari, mahalla qo‘mitalari, Xotin-qizlar qo‘mitasi va Savdo-sanoat palatasining bo‘limlari jalb qilindi. Bu muassasalarning sa'y-harakatlari evaziga kollej va litseylarda bitiruvchilar tomonidan o‘z bizneslarini boshlash uchun barcha zarur sharoitlar ta'minlandi.