Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Алексис Санчес: "Реал"га ўтмоқчи эмасман. "Арсенал"даги шароитлар мени тўла равишда қаноатлантиради
09:41 / 15.10.2015
1588

"Арсенал" жамоасининг чилилик ярим ҳимоячиси Алексис Санчес ўзининг "Реал" жамоасига ўтиши бўйича тарқалган хабарларга муносабат билдирди.

"Матбуот нега менинг "Арсенал"ни тарк этиб, Мадридга боришим ҳақида ёзаётганига тушунмадим. Мен Лондонда ўзимни кўнгилдагидек ҳис қилмоқдаман. Мен жамоамдаги барча аъзолар билан яхши муносабатдаман. Лондон эса жуда гўзал шаҳар. Ҳеч нарсани ўзгартирмоқчи эмасман, бу ердаги барча нарса мени тўла қаноатлантиради.

Мен ҳамиша барчадан яхшироқ ўйнашга ҳаракат қиламан. "Арсенал"даги натижаларимни ҳам яхшилаш учун янада кўпроқ ишлайман.

Буни менга онам ҳам эслатиб туради. У ҳар гал қўнғироқ қилганида дарвозага имкон қадар кўпроқ зарба йўллашимни маслаҳат беради", дейди Санчес.


Улашинг
  • Теглар:
Top