Fiat kompaniyasining Braziliya bo‘linmasi Toro pikapining Janubiy Amerika bozoriga mo‘ljallangan nusxasining birinchi suratini chop etdi. Ma'lum qilinishicha, mashina Jeep kompaniyasi platformasiga qurilgan bo‘lib, unda Renegade kompakt krossoveri komponentlariga ham egadir. U Compass va Patriot modellarining o‘rnini egallashi kutilmoqda.
Pikapning gabarit uzunligi 5 915 mm ni tashkil qildi. Salonga besh kishi sig‘adi, yuk ko‘tarish hajmi 1 tonnaga yetadi. Standart uskunalar sirasiga xavfsizlik yostiqlari, ABS, toqqa chiqishda yordam berish tizimi, konditsioner va olti dinamikli audiotizim kiradi.
Toro motor gammasini 1,8 va 2,0 l li dizelli agregatlar tashkil qilgan bo‘lib, ularning kuchi haqida aniq ma'lumotlar yo‘q. Kutilishicha, ulardan har biri 138 va 170 ot kuchiga ega bo‘ladi. Birinchi dvigatel 6 diapazonli “avtomat”, ikkinchisi esa 5 diapazonli “mexanika” bilan uyg‘unlikda ishlashi kutilmoqda.
Fiat Toro sotuvlari 2015 yil boshida yoki 2016 yil oxirida boshlanadi. Braziliyada uning narxi 19-30 ming dollarni tashkil qilishi kutilmoqda.