15:06 / 16.10.2015
11538

Foyda bilan o‘qish: Brayan Treysi kitoblari

Bir donishmand: “Televizorni ko‘p ko‘radiganlar ko‘p kitob o‘qiydiganlarga hamisha xizmat qiladilar”. Brayan Treysi buni o‘z tajribasidan biladi. Zero u, o‘z muvaffaqiyatiga o‘qigan ko‘plab kitoblari va ularni amalda qo‘llaganliklari tufayli erisha olgan. Bu uning bugungi kundagi darajaga yetishiga – jahon miqyosidagi eng sara notiq va trenerlardan biriga aylanishiga ko‘mak berdi.

U iqtisod, tarix, biznes, falsafa va psixologiya kabi sohalarni o‘rgandi va tadqiq etdi. O‘zining tinimsiz mehnati tufayli (u allaqachon 70ga yaqin kitoblarni yozib ulgurgan, ular jahonning 42 tiliga tarjima qilinib, chop etilgan) u dunyoda asarlari eng ko‘p sotiluvchi mualliflardan biriga aylandi. Quyida Brayan Treysining eng mashhur asarlarining qisqa annotatsiyalari keltirilgan.

 «Biznesdagi muvaffaqiyatning 100 ta tengsiz qonuni» asari

Nega ayrimlar boshqalarga nisbatan biznesda muvaffaqiyat qozona oladi? Nega alohida korxonalar rivojlanadi-yu, boshqalar halokatga uchraydi? Mashhur ma'ruzachi, yozuvchi va biznes masalalari bo‘yicha ekspert ushbu oson bo‘lmagan savollarga javob topa oldi. Bu kitobida Brayan Treysi butun dunyo tadbirkor kishilari muvaffaqiyatining asosida yotuvchi tamoyillar majmuasi yoki “universal qonunlari”ni izohlaydi. Treysining amaliy tavsiyalari mehnat va biznesning eng muhim sohalariga aloqador 100ta anglashga oson va qo‘llashda sodda bo‘lgan qonunlar qo‘rinishida aks etgan. U, shu bilan birga, har bir qonunning qanday ishlashini yaqqol ko‘rsatuvchi real hayotdan misollar keltirib, kitobxonga mazkur qonunlarni faoliyatda va hayotda tadbiq etish bo‘yicha mashqlarni ham taklif etadi.

Kitob, eng avvalo, o‘z salohiyatini maksimal darajada qo‘llashni, o‘z kasbiga bahsh etayotgan qimmatbaho soatlar, haftalar va yillar evaziga eng yuqori miqdoriy va sifatli natijalarga erishishni maqsad qilib olgan biznes olamida faoliyat yurituvchi kishilar uchun yozilgan.

«Millionerlar muvaffaqiyatining 21 siri» kitobi

O‘zini millioner qilgan yuzlab kishilarning odatlari va xatti-harakatlari haqida ma'lumotlarni to‘plagan, o‘rgangan va umumlashtirgan holda, muallif, har bir kishi, uning dastlabki holatidan qat'iy nazar, muvaffaqiyatga erishish yo‘lida rioya qilishi zarur bo‘lgan tamoyillarni ifodalab bergan.

Bu kitob – o‘z mol-mulkini o‘zi ishlab topgan kishilar kabi, keng va qiziqarli mavzu bo‘yicha olib borilgan o‘n besh yillik tadqiqotlar, o‘rganishlar va shaxsiy tajribaning natijasidir. Kitob, Treysi tomonidan, boylik orttirish masalalariga bag‘ishlangan, yuzlab o‘qilgan kitob va minglab maqolalari asosidagi birlamchi g‘oya va strategiyalarni o‘z ichiga oladi. Mazkur barcha g‘oya va strategiyalar kitobda shunday sodda, tushunarli va ishlash uchun qulay bo‘lgan ko‘rinishda taqdim etilganki, zero, har bir kitobxon ularni bir onda o‘rganib, amalda tadbiq etishga kirisha olsin.

«Fokus nuqtasi» kitobi

“Intilayotgan narsangizni qanchalik yaqqol tasavvur eta olsangiz, unga shunchalik tez erisha olasiz” tamoyiliga asoslangan holda, Brayan Treysi o‘quvchisiga o‘z istaklarini ongli ravishda tadbiq etishga va oldiga qo‘yilgan maqsadlarga hamisha erishish uchun o‘z kuchini qaysi nuqtada jamlashi kerakligini bexato aniqlab olishiga o‘rgatadi.

Ushbu kitob hayotingizning har qanday sohasida yanada tez va yengil tarzda yuqori natijalarga erishish uchun qo‘llashingiz mumkin bo‘lgan qulay, samarali va tajribada sinalgan usul to‘g‘risida hikoya qilib beradi. Olovni yoqishga qodir, kattalashtiruvchi oyna orqali fokusga to‘plangan quyosh nurlari singari, bir necha muhim faoliyat turlariga qaratilgan sizning aql va qobiliyatlaringiz ham, oddiy kishilarnikiga qaraganda, ko‘proq narsaga va buning ustiga tezroq erishingizga imkoniyat yaratadi.

Bu kitob, siz o‘zingizga doimiy ravishda beradigan: “O‘z vaqtim va hayotimni qanday qilib nazorat qila olaman? Shaxslararo munosabatlarda va shaxsiy turmushda muvozanatni saqlagan holda, kasbda maksimal darajadagi muvaffaqiyatga erishish mumkinmi? Bularning barchasiga baxtli va qanoatlangan bo‘la turib erishish mumkinmi?” kabi muhim savollaringizga javob beradi. Bu savollarga javoblarni siz, “Fokus nuqtasi” kitobini o‘qigach topa olasiz.

«Samarali vaqt boshqaruvi» kitobi

Vaqtni boshqarish (taym-menejment) — bu o‘z samaradorligini va daromadlarini sezilarli darajada oshirish, qo‘shimcha vaqt hosil qilishga imkoniyat beruvchi vaqt boshqaruvi san'atini bildiradi. Taym-menejment sifati hayotingizning sifatini belgilaydi. Hayotingizning har qaysi jabhasiga e'tibor qaratishingiz bilan shunisi ayon bo‘ladi-ki, hayotdan mamnulik hissi, sizning muvaffaqiyatingiz va harakatlaringizning samarasi o‘z vaqtingizni qanchalik sifatli qo‘llayotganingiz bilan belgilanadi.

Taym-menejment — bu o‘zlashtirilishi va o‘rganilishi mumkin bo‘lgan san'atdir. Mashina yoki velosipedda yurganingiz singari, o‘z vaqtingizni ham to‘g‘ri boshqara olish imkoniyatingiz bor. Va kitobning vazifasi — buni qanday qilib amalga oshirish mumkinligini ko‘rsatib berishdan iborat.

«Maksimumga erishish» kitobi

Ushbu asar, Brayan Treysi butun hayoti davomida olib borgan tadqiqot va izlanishlarining muayyan ma'nodagi eng mohiyatli ishlanmasidir. Ushbu kitob, ilk bora, yagona manbada tizimlashtirilgan g‘oya, usul va yo‘llarning noyob sintezini taqdim etadi. Tizimning alohida tarkibiy qismlari, albatta, yangilik emas. Asrlar davomida insoniyat ularni o‘qib, qayta o‘rganadi. Bu tamoyillar va amaliy usullar, hayotida ulkan yutuqlarga erishgan millionlab ayol va erkaklar tomonidan tekshirilgan va sinalgan.

Ularni o‘z kundalik hayotingizga birlashtirish bilan, siz yanada baxtli, sog‘lom bo‘lib, o‘zingizga kuchli ishonch hissini hosil qilib borasiz. Siz buyuk kuch, ishonch va aniq bir maqsadga qaratilganlik hislarini boshdan kechirasiz. Yo‘nalishlaringizni aniqlashda ijobiylik paydo bo‘ladi, o‘z maqsadlaringizga aniqroq diqqat qarata olasiz va ularga erishish ko‘nikmalariga ega bo‘lasiz. Hayotingizda muhim o‘rin egallovchi kishilar bilan yaxshi natijaviy suhbat qura olasiz. O‘z kasbingizda katta muvaffaqiyatlarga erishasiz va o‘zingizni a'lo darajada his qilasiz. O‘z yashirin salohiyatingizning ulkan qo‘llanilmagan rezervlarini yuzaga chiqarish yo‘llarini bilib olasiz. Har bir bob davomidan keluvchi mashqlarni bajara turib esa, siz sarflangan kuchga mos tarzda mutanosib bo‘lgan natijalarga erishasiz. Butun hayotingiz, siz ilgari tasavvur qilmagan, muvaffaqiyat, yutuqlar va katta baxtning yagona magistraliga aylanadi.

Brayan Treysi kitoblarini o‘qib turib, siz uning ta'sirli yutuqlarga erishish tizimi va tamoyillari haqida bilib olishingiz mumkin, lekin uning mualliflik seminariga tashrif buyurib va “real vaqt” rejimida muallifning o‘zidan muvaffaqiyat retseptini olib, siz kelgusi ishlaringiz uchun, faqat asl muvaffaqiyatli kishilar ulasha oladigan ulkan g‘ayrat va ishtiyoqqa ega bo‘lasiz. Brayan Treysining Toshkentda, 7 noyabr kuni Turkiston san'at saroyidagi, uning bugungi kunda eng mashhur - “Maksimumga erishish” biznes-seminarida shaxsan qatnashish kabi noyob imkoniyatdan foydalanib qoling.

Seminar doirasida dunyoning eng muvaffaqiyatli kishilarning strategiyalari, ularning odatlari, qoidalari va fikrlash xususiyatlari o‘rganiladi. Qolaversa, maqsadlarni samarali shakllantirish va ularga erishish yo‘llarini belgilash jarayonlari, shaxsiy samaradorlikni oshirish, vaqt boshqaruvi va hayotning har bir sohasida ulkan natijalarni rejalashtirish kabilar sinchklab ko‘rib chiqiladi. Brayan Treysi seminar qatnashchilariga o‘zlaridagi asosiy moliyaviy aktivni aniqlashga yordam beradi va maksimumga erishishda undan qanday foydalanish to‘g‘risida ko‘rsatmalari bilan o‘rtoqlashadi.

Shular bilan bir qatorda, seminar doirasida siz o‘z ishbilarmonlik aloqalaringizni kengaytirish, yirik kompaniyalarning bosh rahbarlari bilan tanishish, tadbirning yetakchi hamkorlari tomonidan uyushtiriladigan tashabbus va konkurslarda qatnashish imkoniyatiga ega bo‘lasiz.

Tarmoq foydalanuvchilari aksariyat hollarda ko‘p sonli resurslarni, jumladan, o‘quv portallari, forum va bloglar, onlayn-nashrlarni qo‘llaydilar. Ularga ochiq kirish imkoniyatini esa Ucell mamnunlik bilan taqdim etib, mukammallashtirib borayotgan Internet-ulanishi ta'minlab beradi, va shu orqali, O‘zbekistonda istiqomat qiluvchi kishilarning turmushi ijobiylik tomon o‘zgartirilib borilmoqda.

Mobil Internet xizmatlari, maxsus paket va tariflari tufayli bugungi kunda yangi, foydali ma'lumotni olish va o‘rganish yanada ommabop bo‘lib bormoqda. Shu o‘rinda, Ucell mobil operatori, B.Treysi seminarining aloqa bo‘yicha bosh hamkori, turli optsiyalarni taklif etmoqda: tarmoqdan boshlang‘ich foydalanuvchilar uchun – axborot portallariga kirish imkoniyatini yaratuvchi va ijtimoiy tarmoqlarda suhbatlashish uchun zarur trafikli ochiq Internet; ilg‘or foydalanuvchilar uchun – foydalanilayotgan trafik hajmiga qarab Internet-paketlar, hamda barcha xohlovchilar videoni bir zumda yuklab, tomosha qilishga, real vaqt rejimida turli yo‘nalish mutaxassislari uchun o‘rganishning eng sara platformasi bo‘lmish xalqaro konferensiya, vebinarlarda ishtirok etishga imkoniyat yaratuvchi yuqori tezlikdagi 4G texnologiyasi.

Chiptalarni xarid qilish bilan bog‘liq barcha qo‘shimcha ma'lumotlarni tadbirning rasmiy sayti www.change.uz va (+99890) 994-12-11, (+99890) 995-12-11 telefon raqamlari orqali olishingiz mumkin.

Top