Ronaldu "Real Madrid" tarkibidagi gollar soni bo‘yicha Raulning rekordini yangiladi

Ispaniya chempionatining 8-turida "Levante" darvozasiga to‘p kiritgan Krishtianu Ronaldu "Real Madrid" tarkibidagi gollar soni bo‘yicha Raulni ortda qoldirib klubning eng yaxshi to‘purariga aylandi.

Portugaliyalik futbolchi hisobida 324ta, ispaniyalik futbolchida esa 323ta gol mavjud.

Ma'lumot uchun, Ronalduga ushbu rekordni yangilash uchun 310 ta uchrashuv kerak bo‘ldi. O‘z navbatida Raul 323 ta golni 741 ta uchrashuvda kiritishga muvaffaq bo‘lgan.