Pentagon Suriyadagi parvozlar bo‘yicha memorandumning kuchga kirganligini tasdiqladi

Pentagon vakili Piter Kuk seshanba kuni Suriyadagi parvozlar xavfsizligi bo‘yicha o‘zaro tushunish memorandumining kuchga kirganligini tasdiqladi.
“Memorandumning imzolanishi bilan u kuchga kirdi”, - uning so‘zlarini keltiradi RIA Novosti.

Ta'kidlanishicha, memorandum konkret xavfsizlik protokollarini o‘z ichiga olib, ularga samolyotlar ekipajlari qat'iy amal qilishi talab etiladi. Bu protokollar uchuvchilarning har qanday vaziyatda professional xatti-harakat qilishini, muloqotning konkret chastotalaridan foydalanishni, yerda kommunikatsiya liniyalarini yaratishni ko‘zda tutadi.

Bundan tashqari, AQSh va Rossiya kelajakda har qanday realizatsiya masalalarini muhokama qilish uchun ishchi guruhi tashkil etishadi.