Obama IShIDga qarshi koalitsiyaning yangi maxsus vakilini tayinladi

AQSh prezidenti Barak Obama IShIDga qarshi kurashda AQSh boshchilik qilayotgan koalitsiyaning AQSh prezidenti yangi maxsus vakili etib Brett Makgerkni tayinladi, deb xabar bermoqda Reuters Oq uy ma'lumotiga asoslanib.

Makgerk ancha yillardan buyon Iroq masalasida Oq uyda maslahatchi bo‘lib ishlab kelayotgan edi. U, shuningdek, ilgari o‘zi tayinlangan yangi lavozimda ishlagan general Jon Allenning o‘rinbosari sifatida ham faoliyat yuritgan. Allen ite'foga chiqdi, Brett Makgerk esa uning o‘rnini egalladi.