Bugun, 26 oktabr kuni, Toshkentda IX Xalqaro sanoat yarmarkasi va kooperatsion birjasi ochiladi. U bir hafta davom etadi.
O‘zbekiston iqtisodiyot vazirligining ma'lumotlariga qaraganda, joriy yilda 6.2 mlrd dollarlik importning o‘rnini bosadigan 4 ming turdagi mahalliylashtirilgan mahsulotlar ishlab chiqarilmoqda. Shu munosabat bilan ham sanoat kooperatsiyasining ahamiyati yildan yilga o‘sib bormoqda. Tadbirlar ushbu yo‘nalishlarning rivojidagi asosiy tendensiyalarni belgilab berish maqsadida tashkil qilinmoqda.