Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
ОАВ: америкалик генерал Россияни “босиб туриш” учун Европага кўпроқ қўшин юборишни талаб қилмоқда
20:34 / 30.10.2015
8338

Яқинда АҚШ қуруқликдаги қўшинлари штаби бошлиғи лавозимига тайинланган генерал Марк Милли Вашингтонни “Россияни янги ҳарбий ҳужумларни амалга оширишдан босиб туриш” учун Европадаги ҳарбий техника ва ҳарбий тузилмалар сонини оширишга чақирди, деб ёзмоқда Times нашри. Генерал бундай таклифни Германияга ташрифи давомидаги нутқида айтиб ўтди.

"Москвага унинг “тажоввузи” жазоланмасдан қолмаслигини тушунтириб қўйиш керак", дейди генерал.

Нашр маълумотларига кўра, Милли АҚШнинг Европада жойлашиши имкониятлари ҳақидаги маълумотларни кўриб чиқишни буюрди. У олинган натижаларни АҚШ Мудофаа вазири Эштон Картерга тақдим қилмоқчи. Шундан кейин унинг ҳисоботини Оқ уй кўриб чиқади.

Миллининг ҳисоботида жумладан Қримнинг Россияга қўшиб олиниши ҳисобга олинади, деб таъкдламоқда Times нашри.


Улашинг
  • Теглар:
Top