Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Санкт-Петербург ҳокимияти Мисрда фалокатга учраган А321 самолётининг барча қурбонлари оилаларига 1 млн рублдан тўлайди
18:00 / 02.11.2015
2503

Санкт-Петербург ҳокимияти Мисрда А321 самолётининг қулаши оқибатида ҳалок бўлганлар оилаларига 1 млн рублдан тўлайди, деб ёзмоқда “Фонтанка.ру” нашри.

Қайд этилишича, барча оилалар қаерда яшашларидан қатъий назар товон пули оладилар. Бундан ташқари, экипаж аъзолари оилалари ҳам 1 млн рублдан олишади.

Хабарда айтилишича, пуллар ҳокимиятнинг захира жамғармасидан ажратилади.

Аввалроқ “Ингосстрах” суғурта компанияси “Когалимавиа” авиакомпанияси самолётининг Мисрда фалокат учраши билан боғлиқ аризаларни қабул қилаётгани ва биринчи суғурта тўловларини амалга оширишни бошлаётгани маълум қилинганди.

Россиянинг “Когалимавиа” авиакомпанияси йўловчи самолёти 31 октябрда Мисрда фалокатга учради. Самолёт бортидаги барча йўловчилар – 217 нафар йўловчи ва 7 нафар экипаж аъзоси ҳалок бўлганлар.


Улашинг
  • Теглар:
Top