Tunis bosh vaziri: Liviyadagi hozirdagi og‘ir vaziyat g‘arbning 2011 yildagi qurolli bosqini sababli yuzaga keldi

Xalqaro hamjamiyat Liviyadagi ixtilofning siyosiy yechimini ishlab chiqishi kerak, deb aytdi Tunis bosh vaziri Habib as-Said.

“Liviya mening davlatimdagi barqarorlikka siyosiy va iqtisodiy xatarlar solishi mumkin bo‘lgan muammolarga ega”, deb aytdi Tunis bosh vaziri Frankfurter Allgemeine Zeitung gazetasiga.

As-Saidning fikricha, hozirda turli guruhlar va qarama-qarshi kurashayotgan ikki asosiy tomon bo‘lgan Liviyadagi inqirozni harbiy yo‘l bilan hal qilib bo‘lmaydi. “Liviyadagi bugungi vaziyat 2011 yilda g‘arb tomonidan yomon tomonlangan qurolli bosqin oqibati hisoblanadi”, deb aytdi Tunis bosh vaziri.

Liviyadagi vaziyat AQSh va NATO 2011 yilda Bengazada mamlakat yetakchisi Muamar Kaddafiga qarshi g‘alayonni qo‘llab-quvvatlagandan keyin yomonlashgan. AQSh va NATO “tinch aholini himoya qilish” bahonasi bilan, aslida esa isyonchilarni qo‘llab-quvvatlagan holda 2011 yilning martidan oktabrigacha Kaddafi yo‘q qilinmagunga qadar havo operatsiyasini o‘tkazgan. Isyonchilar esa layoqatli hukumatni shakllantira olmaganlar va keyingi yillarda Liviya borgan sari ko‘p tomonlama ichki qurolli ixtilofga botib bormoqda.
As-Saidning fikricha, davlat, shuningdek, IShID jangarilari uchun makonga aylangan.