Misrdan qaytayotgan turistlarga yordam ko‘rsatish uchun Rossiya Uzoq Sharqida operativ shtablar tashkil qilindi, deb xabar qildi TASS agentligi.
“Misr mintaqadagi turistik oqimning asosiy yo‘nalishi hisoblanmaydi. Statistikaga ko‘ra, bu mamlakat amurliklar uchun 5-o‘rinda turadi”, - dedi viloyat tashqi iqtisodiy aloqalar, turizm va tadbirkorlik vaziri Igor Gorevoy.
Amur viloyati hokimiyati matbuot xizmatining ma'lumotlariga qaraganda, Misrda mintaqaning 19 fuqarosi bor, yana 16 kishi yaqinda chipta va yo‘llanmalar sotib olgan. Ulardan har biri bilan individual ishlar o‘tkaziladi.