Belarus jinoyat qidiruv bo‘limi qator nomusga tajovuz qilish jinoyati sodir etib kelgan Rossiya fuqarosini qo‘lga oldi, deb xabar bermoqda RIA “Novosti”.
“Olib borilgan murakkab tezkor-qidiruv ishlari natijasida jinoyatchining iziga tushildi. 2015 yilning oktabr oyi so‘nggida uning shaxsi aniqlandi, 1 noyabr kuni esa Brest viloyatida qo‘lga olindi. Jinoyatchi 44 yoshli Rossiya fuqarosi bo‘lib chiqdi”, — deyiladi Belarus Respublikasi IIV ma'lumotida.
Jinoyatchi asli Sankt-Peterburgda yashashi, Belarusga esa qarindoshlarinikiga mehmonga kelishi aniqlangan.
U 1999—2004 yillarda, shuningdek, 2014 yillar mobaynida ayollarga qilingan tajovuzda gumon qilinmoqda.