Yunusobodda shaxsiy uydan tilla buyumlar o‘g‘irlab ketildi. Bu haqda IIV matbuot xizmati xabar bermoqda.
Aytilishicha, Mahliyo ismli ayolning uyiga noma'lum shaxs bostirib kirib, 335 ming so‘m, 50 dollar pul va 5 turdagi zargarlik buyumlarini o‘g‘irlab chiqib ketgan.
O‘tkazilgan tekshiruvlar davomida jinoyatchi tezda qo‘lga olingan. O‘g‘ri asli samarqandlik 21 yoshli Vohidjon ismli yigit bo‘lib chiqqan.