Rim papasi Frantsisk Parij teraktini Uchinchi jahon urushining bir qismi deb atadi

Rim papasi Frantsisk hech qanday yo‘l bilan oqlab bo‘lmaydigan Parijda sodir etilgan teraktlar o‘zi ilgari ta'kidlab kelayotgan Uchinchi jahon urushining bir qismi ekanligini aytib o‘tdi. Bu haqda Associated Press xabar bermoqda.

“Bo‘lib o‘tgan voqealarni hech qanaqasiga oqlab bo‘lmaydi”, — dedi u Fransiya poytaxtida bo‘lib o‘tgan voqealarga nisbatan izoh berar ekan.

2014 yilda pontifik o‘zining va'zlaridan birida Uchinchi jahon urushi allaqachon boshlangani haqida aytib o‘tgan edi.