Moskvadagi o‘zbeklarga tegishli "Ya Samarqand" kafesiga bezorilar hujum uyushtirishdi

Moskva shahrining shimoli-g‘arbidagi Aviatsiya ko‘chasida joylashgan "Ya Samarqand" kafesi talonchilik hujumiga uchradi. Bu haqda "Interfaks" nashri xabar tarqatgan.

Xabarda aytilishicha, 19 kishidan iborat jinoiy guruh bitalar bilan qurollangan holda kafega bostirib kirishgan.

Qayd etilishicha, ushbu hujum vaqtida kafe egalaridan biri hisoblangan o‘zbekistonlik jonini qutqarish uchun ikkinchi qavatdan pastga sakragan va oyog‘ini sindirib olgan.

Ushbu holat bo‘yicha "bezorilik" moddasi asosida jinoiy ish ochilgan.