Rossiya Mudofaa vazirligi YouTube’dagi kanalida Kaspiy dengizidan rus kemalaridan “Kalibr-NK” qanotli raketalari otilgani tasvirlangan videoni chop etdi.
20 noyabrda Kaspiy floti kemalari Raqqa. Idlib va Halab viloyatlaridagi 7 ta nishonga 18 ta qanotli raketa uchirdi. Mudofaa vazirligi ma'lumotlariga ko‘ra, barcha nishonlar yo‘q qilingan.
Shuningdek, vazirlik terrorchilar pozitsiyalariga aviazarbalar amalga oshirgan Rossiya harbiy-koinot kuchlari aviatsiyasining jangovor parvozlari videosini ham joylashtirdi.
Yana bir videoda Suriyadagi “Xmeymim” aviabazasidagi uchuvchilar parvoz oldidan bombalarga jangarilar uchun noma – “Biznikilar uchun” va “Parij uchun” degan yozuvlarni yozayotganlari tasvirlangan.