Avstraliyada avtobus ag‘darilishi oqibatida 30 kishi jarohat oldi

Avstraliya janubi-sharqidagi Yangi Janubiy Uels shtatida avtobus ag‘darilishi oqibatida 30 kishi jarohat oldi. Bu haqda The Guardian nashri yozmoqda.
Aytilishicha, avtobusda kursantlar harbiy o‘quvlardan qaytayotgan edi. Avtobusda jami 50 yo‘lovchi bo‘lgan.
Mudofaa vazirligi vakillarining ma'lum qilishicha, 4 kishi og‘ir ahvolda, yana bir kishi “o‘ta jiddiy” jarohat olgan.
16 kishi tezda shifoxonadan chiqarib yuborilgan, 14 kishi shifoxonada qolmoqda.