Ukraina o‘z havo chegaralari buzib o‘tilsa, Turkiyadagi kabi yo‘l tutishini ma'lum qildi

Ukraina havo chegaralarida begona harbiy samolyotlar harakat qiladigan taqdirda, harbiy xuddi Turkiyadagi kabi yo‘l tutishadi, deb yozmoqda «Interfaks-Ukraina».

Bu haqda Milliy xavfsizlik va mudofaa Kengashi kotibi Aleksandr Turchinov ma'lum qilgan.

«Ukrainalik harbiylar mamlakatimizga havodan bo‘ladigan xavflarda xuddi shu tarzda himoya qilishlari kerak», — deya Su-24 samolyoti qulashi bilan bog‘liq vaziyatga munosabat bildirdi Turchinov.

Eslatib o‘tamiz, Turkiya chegarasini buzgan deya baholangan Su-24 samolyoti turk harbiylari tomonidan urib tushirilgan, samolyot Suriyaning Lataqiya provinsiyasi hududiga qulab tushgandi.