Norvegiya qochqinlar tufayli Shengen zonasi ichida chegara nazorati choralarini joriy qilmoqda. Bu haqda mamlakat bosh vaziri Erna Sulbergga tayangan holda Reuters agentligi xabar bermoqda.
“Shvetsiya o‘z chegaralarini mustahkamlamoqda, shu bois biz uchun ham chegaralarimiz himoyalangan bo‘lishi muhim. Bu ham xavfsizlik chorasi, ham paromlarda kelayotgan odamlar sonini nazorat qilish yo‘lidir”, - dedi Sulberg xonim.