Yoqutistonda ayolni zo‘rlagan va o‘ldirgan Qirg‘iziston fuqarosi 18 yilga qamaldi

Yoqutistonda 51 yoshli ayolga nisbatan og‘ir jinoyatlar sodir etgan Qirg‘iziston fuqarosi 18 yilga ozodlikdan mahrum qilindi. Bu haqda Rossiya matbuoti mamlakat tergov qo‘mitasining Yoqutiston bo‘yicha rahbari yordamchisi Nadejda Dvoretskayaga tayangan holda ma'lumot bermoqda.

Aniqlanishicha, 2015 yil yanvarida erkak ayolni tayoq bilan urib hushidan ketkizgan, so‘ng uni zo‘rlagan, bo‘yinbog‘ bilan bo‘g‘ib o‘ldirgan va pul solingan sumkasini o‘g‘irlab ketgan.
Keyinroq jinoyatchi qo‘lga olinib, izolyatorga joylashtirilgan.
U o‘z aybini tan olmagan, ammo tergov barcha ayblovlarni isbotlab bergan.