Rossiya harbiylari AQSh hududi ustidan kuzatuv parvozini amalga oshiradi

Rossiyalik inspektorlar guruhi ochiq osmon bo‘yicha xalqaro shartnoma ijrosi doirasida Tu-154M Lk-1 kuzatuv samolyotida AQSh hududi ustida parvozni amalga oshiradi. Bu haqda Interfaks agentligi xabar bermoqda.

“Kuzatuv parvozi 2015 yilning 30 noyabridan 5 dekabriga qadar Trevisdagi (Kaliforniya shtati) ochiq osmon aerodromidan amalga oshiriladi. Parvozning maksimal uzoqligi 4 250 km ni tashkil qiladi”, - dedi Rossiya yadroviy xavfni kamaytirish milliy markazi boshlig‘i Sergey Rijkov.

Uning so‘zlariga qaraganda, kuzatuv parvozi ishtirokchi davlatlar harbiy faoliyati ochiqligini oshirishga yordam berish maqsadida amalga oshiriladi.