Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Озарбайжонда Каспий денгизидаги нефть платформасидаги ёнғин туфайли мотам эълон қилинди
14:33 / 06.12.2015
4466

Озарбайжон президенти Илҳом Алиев Каспий денгизида жойлашган "Гюнешли" номли нефть платформасида рўй берган ҳалокатли ёнғин туфайли мамлакатда бир кунлик мотам эълон қилди. Бу ҳақда AzTV телеканали эфирида айтилган.

Озарбайжоннинг SOCAR нефткомпаниясига тегишли бу нефть платформасида 5 декабрь куни рўй берган ёнғин оқибатида камида 30 киши ҳалок бўлган.

Ёнғин бўронли об-ҳаво шароитида газ линиясининг ишдан чиқиши оқибатида юзага келган. Бундан ташқари, олов платформадаги нефть ва газ қудуқларига ўтган бўлиши мумкин, деб тахмин қилинмоқда.

Ёнғин вақтида шамол тезлиги сониясига 40 метрни ташкил этган, олов 40 метр баландликка ўрлаган.

Бу ёнғин туфайли 28та нефть қазиб олиш қудуғида иш тўхтаб қолган.

Озарбайжон Бош прокуратураси бу ёнғин юзасидан жиноят иши очган.


Улашинг
  • Теглар:
Top