Shtaynmayyer Bag‘dodga kutilmaganda tashrif buyurdi

Germaniya tashqi ishlar vaziri Frank-Valter Shtaynmayyer 7 dekabr kuni oldindan e'lon qilinmagan tashrif bilan Iroq poytaxti Bag‘dodga keldi. Bu haqda DPA agentligi xabar bermoqda.

Germaniya tashqi ishlar vaziri IShID terrorchilik tashkilotiga qarshi kurashda Iroqni qo‘llab-quvvatlashini ma'lum qilgan. "Iroqdagi vaziyatni barqarorlashtirish Suriyadagi siyosiy masalani qidirishga o‘xshash o‘ta muhim”, - dedi Shtaynmayyer. Uning so‘zlariga ko‘ra, Germaniya ushbu og‘ir vaziyatda Iroqqa yordam ko‘rsatadi.

Ma'lum qilishlaricha, vazir Iroq prezidenti Fuad Maasum va bosh vazir Haydar al Abadiy bilan uchrashishi kutilmoqda.