Turkiya bosh vaziri Rossiyani Suriyada “etnik tozalashlar” o‘tkazayotganlikda aybladi

Turkiya bosh vaziri Ahmet Dovudo‘g‘lu Rossiyani Suriyada “etnik tozalashlar” o‘tkazayotganlikda aybladi, deb xabar bermoqda Reuters axborot agentligi.

“Rossiya Shimoliy Lataqiyada etnik tozalash o‘tkazishga urinmoqda va bu yerdan amaldagi tuzumni qo‘llab-quvvatlamayotgan turkman va sunniylarni qochishga majbur qilmoqda”, deb aytdi Dovudo‘g‘lu.

Dovudo‘g‘luning ta'kidlashicha, Rossiya shu tariqa o‘zining Lataqiya va Tartusdagi bazalarini xavfsizlantirmoqchi bo‘lmoqda.