Chexiya prezidenti Turkiyani Yevropa Ittifoqiga a'zo bo‘lib kirishiga qarshi chiqdi

Chexiya prezidenti Milosh Zeman IShID bilan aloqadorlikda bo‘lgani uchun Turkiyani Yevropa Ittifoqiga a'zo bo‘lishligiga qarshi chiqdi. Bu haqda Praga radiosi xabar qilgan.

"Turkiya Yevropa Ittifoqining bir qismiga aylanishi mumkin emas", — dedi u Shimoliy Bogemiyaga uch kunlik tashrifi vaqtida. Uning ta'kidlashicha, Turkiya NATO a'zosi bo‘lishiga qaramay o‘zini xuddi “IShID hamkoridek tutmoqda”. Chexiya rahbari, shuningdek, Yevropa Ittifoqining Turkiyaga muhojirlar masalasida uch milliard yevro ajratayotganini ham tanqid ostiga olgan.