LA Times: ommaviy otishmalardan so‘ng San-Bernardinoda qurol savdosi keskin oshib ketdi

AQShning Kaliforniya shtatidagi San-Bernardino shahrida 2 dekabrda sodir bo‘lgan ommaviy otishmalardan keyin qurol-yarog‘ savdosi hajmi keskin oshib ketdi. Bu haqda The Los Angeles Times nashri xabar bermoqda.
Qayd etilishicha, 100 ming kishi yashaydigan shaharda oltita qurol-yarog‘ do‘koni faoliyat yuritadi. Aholi soniga ko‘ra bunday do‘konlar miqdori bo‘yicha San-Bernardino qo‘shni Los-Andjyelesdan ikki barobar ortib ketadi.

Do‘kon egalarining aytishicha, ro‘y bergan fojiadan so‘ng biznes gullab-yashnamoqda. Fuqarolar qo‘rqib ketishgan va o‘zini himoya qilishni istamoqda.
Get Loaded qurol-yarog‘ do‘koni xo‘jayini Terri Makkgirning nashrga ma'lum qilishicha, so‘nggi haftada savdolar hajmi 25 foizga oshdi. Xaridorlarning ko‘pchiligi ayollardir.
Shahar sherifining yordamchisi Adam Servantes o‘tgan dam olish kunlari, 5-6 dekabrda qurol sotib olishga ijozat so‘rab 75 kishi murojaat qilgan. Bu odatdagi ko‘rsatkichdan 7 barobar ko‘p demakdir.

Eslatib o‘tamiz, 2015 yilning 3 dekabriga o‘tar kechasi Kaliforniya shtatining San-Bernardino shahrida (Los-Anjyeles yaqinida) noma'lum shaxslar jismoniy imkoniyati cheklangan kishilar uchun markaz hududiga bostirib kirib, tartibsiz ravishda o‘t ochishgandi. Bu otishma natijasida 14 kishi halok bo‘lgan va 17 kishi yaralangan.