Turkiya Rossiyaga Su-24 uchun tovon puli to‘lamasligini bildirdi

Turkiya rossiyaliklarga ularning urib tushirilgan Su-24 samolyoti uchun yetkazilgan moddiy zararni qoplab bermasligini bildirdi. Bu haqda Turkiya Tashqi ishlar vazirligi matbuot xizmati boshlig‘i Tanju Bilgich ma'lum qildi.

"Rossiyaning Su-24 samolyoti uchun tovon to‘lash bo‘yicha talabini bajarishning iloji yo‘q", degan u CNN Turk telekanali orqali.

Uning so‘zlariga ko‘ra, Rossiya Turkiyaga Su-24 samolyoti turklar chegarasini buzib o‘tmaganini isbotlab bermadi.

Bundan oldinroq, Rossiya munosabatlarni qayta tiklash uchun Turkiya qarshisiga uchta shart qo‘ygan, ulardan biri sifatida urib tushirilgan samolyot uchun tovon puli talab qilgandi.