Yangi yil arafasida Qirg‘izistonda xavfsizlik choralari kuchaytiriladi

Qirg‘iziston IIV shaxsiy tarkibi Yangi yil kunlarida yuqori tayyorgarlik darajasida xizmat o‘taydi. Bu haqda idora matbuot kotibi Baqit Seyitov TASS agentligi bilan suhbat chog‘ida ma'lum qildi.

“Barcha xodimlarimizni kuchaytirilgan rejimga o‘tkazish qarori IIV rahbariyati tomonidan yaqin kunlarda qabul qilinadi”, - dedi u.

Uning so‘zlariga qaraganda, kuchaytirilgan tartib mamlakatdagi barcha strategik obektlar, davlat idoralari binolari, savdo-ko‘ngilochar markazlar va jamoat joylarini qo‘riqlashni nazarda tutadi.