Qozog‘iston iste'molchilar huquqini himoya qilish fondi Milliy iqtisodiyot vazirligining iste'molchilar huquqini himoya qilish bo‘yicha qo‘mita tomonidan olib borilgan monitoring natijalariga ko‘ra 190 nomdagi oziq-ovqat mahsulotini “qora ro‘yxat”ga kiritdi, deya xabar bermoqda “Interfaks”.
Oziq-ovqatlardan: baliq, sut, go‘sht, yog‘-moy, parrandachilik, makaron va konditer mahsulotlaridan 779ta namuna olindi.
“190 (yoki 24 foiz) nomdagi mahsulotlar Bojxona kengashining texnik reglamenti, jumladan, mikrobiologik ko‘rsatkichlar — 31 (16,3%), markalash — 130 (68,4%) talablariga mos kelmadi”, - deyiladi xabarda.
Jumladan, Rossiyada ishlab chiqarilgan broyler-jo‘ja tanasidan S1 guruhiga mansub Salmonellasero aniqlangan. Tovuq mazali “Rollton” (Rossiya) tez tayyor bo‘luvchi vermishelidan esa mog‘or va ko‘p miqdordagi xamirturush aniqlandi.