Rossiya bosh vaziri Dmitriy Medvedev Turkiya kompaniyalarining Rossiya hududida olib borishi taqiqlanadigan faoliyat turlari ro‘yxatini tasdiqladi. Hujjat hukumat saytida e'lon qilindi.
Ro‘yxatga quyida faoliyat turlari kiritildi: binolar, muhandislik inshootlari qurish, ixtisoslashtirilgan qurilish ishlari; turistik agentliklar hamda turizm sohasida xizmat ko‘rsatuvchi boshqa tashkilotlar faoliyati; mehmonxonalar va turdosh xizmatlar ko‘rsatuvchi tashkilotlar faoliyati; davlat va munitsipal ehtiyojlar ta'minoti uchun xizmat ko‘rsatish; yog‘ochni qayta ishlash.Hujjat 2016 yil 1 yanvaridan kuchga kiradi. Imzolab bo‘lingan shartnomalarga nisbatan hujjat amal qilmaydi.