IShID Iroqdagi hududlarining 40 foizini, Suriyadagi hududlarining 20 foizini boy berdi

2015 yil davomida IShID radikal guruhi Iroqdagi hududlarining 40 foizini, Suriyadagi hududlarining 20 foizini boy berdi. Bu haqda AQSh boshchiligidagi xalqaro koalitsiyadagi manbalariga tayangan holda Reuters agentligi xabar bermoqda.

Dekabr oyining o‘rtalarida AQSh prezidenti Barak Obama terrorchilar yozdan buyon Suriyada ham, Iroqda ham birorta muvaffaqiyatli operatsiya o‘tkaza olmaganini, Iroqda esa o‘z nazorati ostidagi hududlarning 40 foizini yo‘qotganini aytib o‘tgan edi.