Arab davlatlari ligasi Erondan arab davlatlarining ishlariga aralashishni to‘xtatishni talab qildi

Eron arab davlatlarining ichki ishlariga aralashishni bas qilishi lozim. Bu haqda Arab davlatlari ligasi bosh kotibi Nabil al-Arabiy bayonot berdi.

“Xalqaro munosabatlarda turli kelishuvlar bilan mustahkamlangan davlatlarning ichki ishlariga aralashmaslik prinsipi mavjud, Eron bu prinsipni ochiq-oydin buzmoqda, u bunday harakatlarini to‘xtatmog‘i lozim”, - dedi u Liganing o‘tgan yilgi faoliyati yakunlariga bag‘ishlangan katta matbuot anjumani chog‘ida.

Mazkur bayonot Saudiya Arabistoni va Eron munosabatlarining yomonlashuvi, Riyod va uning ittifoqchilari Tehron bilan diplomatik aloqalarni uzgani munosabati bilan berildi.