Sport | 21:12 / 20.01.2016
2625
1 daqiqa o‘qiladi

Germaniya FF Infantinoni FIFA prezidentligi uchun saylovda qo‘llab-quvvatlamoqchi

Germaniya Futbol federatsiyasi o‘z saytida UYeFA bosh kotibi Janni Infantinoni FIFA prezidentligi uchun saylovda qo‘llab-quvvatlashi haqida ma'lum qildi.

Bu qaror nemislarning futbol federatsiyasi tarkibidagi barcha a'zolar tomonidan ma'qullangan. Saylovda Germaniya nomidan federatsiya vitse-prezidenti Raynxard Rauball ishtirok etadi.

FIFAning yangi prezidentini aniqlash uchun saylov Tsyurix shahrida 26 fevral kuni o‘tkaziladi.

Eslatib o‘tamiz, FIFA prezidentligi uchun Infantinodan tashqari shayx Salmon ibn Ibrohim Al-Xalifa, Iordaniya shahzodasi Ali bin Al-Husayn, FIFAning sobiq bosh kotibi Jyerom Shampan va janubiy afrikalik millioner Tokio Seksvale kurash olib borishmoqda.