Qirg‘iziston maxsus xizmatlari banklardan biri 52.6 mln dollar pulni “yuvish”da ishtirok etganini aniqladi

Qirg‘iziston milliy xavfsizlik qo‘mitasi O‘sh viloyati bo‘yicha bosh boshqarmasining aksilkorruptsion xizmati mamlakat hududiga noqonuniy olib kirilgan pullarni legallashtirish faktlarini fosh etdi. Bu haqda 20 yanvarda idora tomonidan tarqatilgan xabarnomada aytildi.

Aytilishicha, operativ qidiruv tadbirlari davomida bank sohasida amalga oshirilgan korruptsion jinoyatlar aniqlangan. “Amanbank” O‘sh filialining ikki ishchisi noqonuniy pullarni boshqa davlatlarga o‘tkazish kanalini yaratishgan.

Pora evaziga ular respublikaga noqonuniy kirib kelgan pul mablag‘larini chet elga yo‘llagan. Bunday operatsiyalarni amalga oshirish uchun jinoyatchilar “Berkut Stroy” korxonasini ro‘yxatga olib, uning hisoblari orqali 2014 yilning yanvar-oktabr oylarida 4.43 mlrd som (52 mln dollar) o‘tkazgan.

Ammo mahalliy soliq ro‘yxati joyiga “Berkut Stroy” 2014 yil uchun nolli ko‘rsatkichlar bilan hisobot topshirgan.Voqea yuzasidan jinoiy ish qo‘zg‘atilgan. Surishtiruv davom etmoqda.